ప్రథమ స్కంధము 27 - 30

"షష్ట్యంకములు"

ఉ.27.

హారికి నందగోకుల విహారికి జక్రసమీరదైత్య సం

హారికి భక్త దుఃఖపరిహారికి గోపనితంబినీ మనో

హారికి దుష్టసంప దపహారికి ఘోషకుటీపయోఘృతా

హారికి బాలకగ్రహమహాసురదుర్వనితా ప్రహారికిన్.

ఉ.28.

శీలికి నీతిశాలికి వశీకృతశూలికి బాణహస్తిని

ర్మూలికి ఘోరనీరదవిముక్తశిలాహత గోపగోపికా

పాలికి వర్ణధర్మ పరిపాలికి నర్జునభీజయుగ్మ సం

చాలికి మాలికిన్ విపుల చక్రనిరుద్ర మరీచిమాలికిన్.

ఉ.29.

క్షుంతకు( గాళియోరగ విశాల ఫణోపరివర్తన క్రియా

రంతకు నుల్ల సన్మగధరాజ చతుర్విధఘోర వహినీ

హంతకు నింద్రనందననియంతకు సర్వచరాచరావళీ

మంతకు నిర్జితేంద్రియసమంచిత భక్తజనానుగంతకున్.

ఉ.30.

న్యాయికి భూసురేంద్రమృతనందనదాయికి రుక్మిణీ మన

స్థాయికి భూతసమ్మద విధాయికి సాధు జనానురాగ సం

ధాయికి( బీతవస్త్ర పరిధాయికి( బద్మభవాండ భాండ ని

ర్మాయికి గోపికానివహమందిరయాయికి శేషశాయికిన్.

వ.

సమర్పితంబుగా నే నంధ్రభషను రచయింపబూనిన

శ్రీమహాభాగవతంబునకుంబ్రారంభం బెట్టిదనిన.