ప్రధమ స్కంధము 11 - 15

ఉ.11
ఇమ్మనుజేశ్వరాధముల కిచ్చి పురంబులు వాహనంబులున్
సొమ్ములు( గొన్ని పుచ్చుకొని సొక్కి శరీరము( బాసి కాలుచె
సమ్మెట వాటులం బడక సమ్మతి శ్రీహరి కిచ్చి చెప్పె నీ
బమ్మెర పోతరా జోక(డు భాగవతంబు జగధ్ధితంబుగన్.

Get this widget Track details వచనము: బ్రహ్మశ్రీ మాడుగుల నాగఫణి శర్మ గారు

Get this widget | Track details | వచనము: బ్రహ్మశ్రీ చాగంటి కోటేశ్వర రావు గారు

తే.12.
చేతులారంగ శివుని( బూజింప(డేని,

నోరునొవ్వంగ హరికీర్తి నుడువ(డేని
దయయు సత్యంబులోను గా(దల(ప(డేని,
గలుగనేతికి( దల్లులకడుపుచేటు.

Get this widget Track details eSnips Social DNA

వ.13.

అని మదీయ పూర్వజన్మసహస్రసంచితతపః ఫలంబున శ్రీమన్నారాయణ కధా ప్రపంచ విరచనాకుతూహలుండనై యొక్క రాకానిశాకాలంబున సోమోపరాగంబురాక( గని సజ్జనానుమతంబున నభ్రంకషశుభ్ర సముత్తుంగ భంగయగు గంగకుం జని క్రుంకులిడి వెడలి మహనీయమంజుల పులినతలమందప మధ్యంబున మహెశ్వర ధ్యానంబు సేయుచు( గించిదున్మీలుత లోచనుండనై యున్నయెడ.

సీ.14.

మెఱుగు చెంగట నున్న మేఘంబు కైవడి నువిద చెంగట నుండ నొప్పువాడు

చంద్రమండల సుధాసారంబు పోలిక ముఖమున( జిఱునవ్వు మొలచువాడు

వల్లీయుతతమాల వసుమతీజము భంగి బలు విల్లు మూ(పున( బర(గువా(డు

నీలనగాగ్ర సన్నిహితభానుని భంగి ఘనకిరీటము దల( గల్గువా(డు

Get this widget Track details eSnips Social DNA

ఆ.
పుండరీక యుగము(బోలు కన్నులవా(డు,
వెడ(ద యురమువా(డు విపులభద్ర
ముర్తి వా(డు రాజముఖ్యు(డోక్కరు(డునా,
కన్ను(గవకు నెదుర(గానబడియె.

Get this widget Track details eSnips Social DNA

వ. 15.

ఏ నా రాజశేఖరునిం దేఱిచూచి భాషింప యత్నంబు సేయునెడ

నతండు దా రామభద్రుండ మన్నమంకితాంబుగ

శ్రీ మహాభాగవతంబు( దెనుంగు సేయుము నీకు

భవబంధములు దెగునని యానతిచి తిరోహితుండయ్యె.

అంత నే సమున్మీలిత నయనుండనై వెఱగు పడి చిత్తంబున.